Madaxweynaha Jubbaland, Axmed Maxamed Islaam (Axmed Madoobe), ayaa caawa ku dhawaaqay magacaabista madaxweyne ku-xigeennadiisa koowaad iyo labaad, sida lagu shaaciyay wareegto kasoo baxday madaxtooyada Jubbaland.
Wareegtada ayaa lagu caddeeyay in Maxamuud Sayid Aadan dib loogu magacaabay madaxweyne ku-xigeenka koowaad, halka Cabdulqaadir Xaaji Maxamuud loo magacaabay madaxweyne ku-xigeenka labaad.
Magacaabista Maxamuud Sayid Aadan ayaa imaaneysa xilli gobolka Gedo, oo ah halka uu kasoo jeedo, ay gacanta ku hayso dowladda Federaalka Soomaaliya. Tani waxay kusoo aadeysaa xilli xiisadaha siyaasadeed ee Jubbaland iyo dowladda Federaalka ay sii kordhayaan
Dhinaca kale, Wasiirka Amniga ee xukuumadda Soomaaliya Gen. Cabdullaahi Sheikh Ismaaciil Farataag, ayaa haatan ku sugan gobolka Gedo, halkaas oo uu ka wado abaabul ka dhan ah maamulka Jubbaland.
Xiisadaha u dhexeeya Jubbaland iyo dowladda Federaalka ayaa meel adag, iyadoo Jubbaland ay ku eedeysay dowladda inay waddo qorshe lagu kala furfurayo maamulkooda.
ASXAABTADA LA WADAAG
